Kjo e martë ishte afati I fundit I garës për drejtues të policisë në 12 qarqe të vendit.
Ndryshe nga sa ndodhi me garën për Drejtuesin e Përgjithshëm të Policisë së Shtetit, të interesuarit për tu bërë drejtues në qarqe, kanë pritur ditën e fundit për të dorëzuar aplikimet e tyre.
AbcNeës, mëson se janë mbi 35, punonjës të policisë së shtetit me gradën “Drejtues” të cilët kanë dorëzuar dokumentacionet në Drejtorinë e Përgjitshme duke u bërë pjesë e garës.
Pjesa dërrmuese mësohet se janë aktualisht në postet e nëndrejtorëve, në Drejtoritë e qarqeve.
Ndërkohë për sa i përket drejtuesve aktualë, deri më tani konfirmohet se kanë aplikuar, 7 prej tyre.
EMRAT E DREJTUESVE KANDIDATË
-Alfred Elezaj, aktualisht drejtues i Policisë së Lezhës.
-Tonin Vocaj, aktualisht drejtues i Policisë Tiranë.
-Gjovalin Loka, aktualisht drejtues i Policisë Korcë.
-Skënder Hitaj, aktualisht drejtues i Policisë Durrës.
-Ermal Muça, aktualisht drejtues i Policisë Vlorë.
-Ardian Çipa, aktualisht drejtues i Policisë në Gjirokastër.
-Lorenc Panganika, aktualisht drejtues i Policisë së Fierit.
Megjithatë ende nuk dihet, nëse drejtuesit actual që janë bërë pjesë e garës, aspirojnë të mbajnë vendin në të cilin ndodhet në detyrë, apo qark tjetër.
Pas përfundimin pasditen e të martës të afateve të aplikimit, ditën e mërkurë pritet që të zyrtarizohet edhe lista me emrat e kandidatëve, për drejtues Policie në 12 qarqe të vendit. Më pas, të gjithë garuesit do të kalojnë në komisionet e vlerësimit, një proces i njëjtë që u aplikuar për përzgjedhjen e Drejtorit të Policisë së Shtetit./abcnews.al
