Kryetari i Komunitetit Mysliman Shqiptar, Bujar Spahiu i ka uruar shërim të shpejtë kryepeshkopit Anastas Janullatos, i cili ndodhet prej ditësh në gjendje jo të mirë shëndetësore në një spital në Athinë.
Spahiu thekson bashkëpunimin me Janullatos për dialogun ndërfetar, duke e cilësuar një “lider të kujdesshëm për besimtarët që përfaqëson dhe bashkëpunues e tolerant me këdo”.
“Me Janullatosin kemi vite që bashkëpunojmë dhe bashkërendojmë veprimtarinë e dialogut ndërfetar në Shqipëri. Lider i kujdesshëm për besimtarët që përfaqëson dhe bashkëpunues e tolerant me këdo. I lutemi Zotit për shërimin e tij të shpejtë e të plotë!”, thotë mes të tjerash kreu i KMSH./abcnews.al