Kryeministrja e Estonisë, Kaja Kallas shprehu dëshirën e saj që kur të largohet Jens Stoltenberg, të shqyrtohet kandidatura e saj për postin e Sekretarit të Përgjithshëm të NATO-s.
E pyetur nga Politico nëse do të donte të ishte në krye të postit më të lartë të NATO-s, Kallas tha po.
Kryeministrja estoneze është ndër kritiket më të ashpra të Rusisë brenda BE-së dhe NATO-s dhe ka nxitur shpesh aleancën që të miratojë plane më gjithëpërfshirëse të mbrojtjes për të mbrojtur tre vendet e saj të Balltikut: Letoninë, Lituaninë dhe Estoninë, në kufi me Rusinë.
Kallas hodhi poshtë pretendimet se lufta Ukrainë-Rusi ka arritur në një ngërç, duke vënë në dukje se Perëndimi nuk duhet të bjerë në grackën e supozimit se ka, sepse kjo do t’i shërbente planeve të Moskës.
Kallas udhëtoi në Uashington këtë javë, në një kohë trazirash në Europën Lindore në të cilën mbështetja e SHBA për Ukrainën po lëkundet, dhe u takua me zyrtarë të administratës Biden dhe ligjvënës në Capitol Hill.
/abcnews.al
