Loading ...
Franca është sërish në një krizë politike, më pak se një muaj pasi doli nga një e tillë.
Kryeministri Sebastian Lecornu dha dorëheqjen këtë të hënë, vetëm disa orë pasi u emërua kabineti i tij qeveritar.
Pallati Elize e bëri njoftimin pasi Lecornu u takua për një orë me Presidentin Emmanuel Macron në fillim të kësaj javë në mëngjes.
Përbërja kryesisht e pandryshuar e kabinetit qeveritar u prit me kritika të ashpra në gjithë spektrin politik.
Disa parti në Asamblenë Kombëtare e kishin kritikuar ashpër përbërjen e qeverisë së re dhe kërcënuan se do ta rrëzonin atë me votë.
Vete Lecornu tha se ishte gati tee beente kompromis, por akuzoi partitee e tjera se po punonin veteem peer interesin e vet, sikur tee kishin shumiceen parlamentare.
“Isha gati për kompromis, por secila parti politike donte që partia tjetër politike të miratonte të gjithë programin e saj. Kushtet nuk ishin përmbushur që unë të kryeja funksionin tim si kryeministër”, tha Lecornu.
Gjatë qëndrimit të tij në detyrë, Lecornu vendosi disa rekorde. Ai u bë kryeministri më jeetëshkurtër, vetëm 27 ditë në detyrë dhe kaloi kohën më të gjatë pa qeveri, 26 ditë. Qeveria e tij, e sapoemëruar, është qeveria qe ka qëndruar më pak në detyrë. Lecornu ishte kryeministri i pestë i Macron në vetëm dy vjet.
Partitë opozitare, me ne krye Bashkimin Kombëtar të Marine Le Pen, i kanë bërë thirrje presidentit Macron të shpërndajë asamblenë dhe të thërrasë zgjedhje ose të dorëhiqet.
Ndërkohë vendi ka mbetur sërish në një ngërç, pasi çështja që u bë shkak i dorëheqjes së Francois Bayrou, miratimi i buxhetit, ka mbetur ende e pazgjidhur.
Politika franceze është bërë gjithnjë e më e paqëndrueshme që nga rizgjedhja e Macron në vitin 2022, për shkak të mungesës së ndonjë partie apo grupi që mban shumicën parlamentare.
Vendimi i Macron për të thirrur zgjedhje të parakohshme parlamentare vitin e kaluar e thelloi krizën duke prodhuar një parlament edhe më të fragmentuar./abcnews.al
