Vendimi i marrë nga Qeveria për shuarjen e Task-Forcës Anti Korrupsion përplasi partnerët e koalicionit.
Kryetari i Aleancës për Ardhmërinë e Kosovës, Ramush Haradinaj doli hapur kundër vendimit të qeverisë, duke theksuar se do të shkaktojë pasiguri juridike dhe mund të kuptohet si ndërhyrje politike e po ashtu edhe hakmarrje ndaj proceseve të pavarura.
Qëndrimet e tij, Haradinaj i shprehu edhe përmes rrjeteve sociale.
Edhe kryeministri i Kosovës, Avdullah Hoti iu kundërpërgjigj Haradinajt duke thënë se politika nuk duhet të përzihet në drejtësi dhe se në këtë drejtim janë edhe vendimet e qeverisë.
Emrin e Haradinajt nuk e përmendi, por kryeministri e vazhdoi dialogun e rrjeteve sociale duke sugjeruar që të përdoren mjetet ligjore për dyshimet e secilit, ndërkohë që zyrtarët e Task-Forcës tha se do të vazhdojnë punën sipas udhëzimeve të Prokurorisë Speciale.
Task-forca që u shua ditë më parë funksionoi për një dekadë si pjesë e Policisë. Ajo kishte si qëllim parandalimin, hetimin dhe zbulimin e veprave penale që përfshinin zyrtarë të lartë politikë.
n.d./abcnews.al
