La Liga rinisi mbrëmjen e kaluar me derbin Sevilla-Betis. Real Madrid (pret Eibar më 14 qershor) garon për titullin kampion me Barcelonën, që kryeson me dy pikë më shumë. Toni Kroos beson te potenciali i skuadrës së tij dhe kërkon një nisje të mirë e vazhdimësi gjatë analizës së bërë për DAZN.
“Natyrisht që është ndryshe të luash pa tifozë, por duhet të përshtatemi me realitetin e ri. Duhet të gjejmë intensitetin e duhur dhe duhet të jemi gati për duele. Nuk besoj se ky është një sezon i keq për ne. Është më i mirë se i kaluari.
Tani duhet të vazhdojmë punën dhe të tregojmë rendiment. Kemi nevojë për vazhdimësi, diçka e tillë do na i rriste shanset për të fituar titullin. Nëse nuk shpallemi kampionë Spanjë, sezoni ynë nuk mund të cilësohet pozitiv“, deklaron Kroos. /abcnews.al
