Kroacia ka shpallur të padëshirueshëm dhe zëvendëskryeministrin e Malit të Zi, Aleksa Beçiç, kryetarin e Parlamentit Andirja Mandiç dhe deputetin e kuvendit malazez, Milan Knezheviç.
Ministria e Punëve të Jashtme në Kroaci, ka njoftuar Malin e Zi përmes një note drejtuar ambasadës së Malit të Zi në Zagreb se këta persona janë shpallur të padëshirueshëm për shkak të veprimeve sistematike për prishjen e marrëdhënieve të fqinjësisë së mirë me Kroacinë dhe abuzimit të vazhdueshëm për qëllime të brendshme politike.
“Ministria e Punëve të Jashtme dhe Evropiane shpreh keqardhjen që shumica në Parlamentin e Malit të Zi vendosi të injorojë thirrjet e vazhdueshme të Kroacisë për të mos ndërmarrë lëvizje që mund të ndikojnë negativisht në marrëdhëniet tona dypalëshe dhe në rrugën evropiane të Malit të Zi”
Sipas Ministrisë kroate, fqinjësia e mirë është një ndër elementët kyçë të procesit të zgjerimit dhe atij të stabilizim asociimit “dhe një nga kriteret kryesore për vlerësimin e përparimit në procesin e anëtarësimit të Malit të Zi” në Bashkimin Evropian.
Mandiç dhe Knezheviç udhëheqin dy parti të ish-Frontit Demokratik pro-rus, ndërkaq Beçiç është udhëheqës i demokratëve.
Gjatë kësaj jave, Fronti Demokratik u bë pjesë e Qeverisë të Malit të Zi, që udhëhiqet nga kryeministri Millojko Spajië.
Ambasada amerikane nuk e ka mirëpritur hyrjen në ekzekutiv e Frontit Demokratik dhe të Partisë së Boshnjakëve, pasi sipas Uashingtonit këto parti nuk kanë deunar agresionin rus kundër Ukrainës teksa kanë kundërshtuar sanksionet e Bashkimit Evropian kundër Rusisë.
/abcnews.al/
