Sërish rokadë trajnerësh te klubi i Schalke 04, ekip që renditet në vend të fundit në Bundesliga. Klubi gjerman ka njoftuar pak çaste më parë shkarkimin e trajnerit Manuel Baum për shkak të rezultateve të dobëta.
Baum u emërua në krye të ekipit në muajin shtator, kur zëvendësoi David Wagner, por nuk ishte në gjendje të kthente formën jo të mirë që Schalke po tregon në këtë pjesë të parë të sezonit.
Manuel #Baum has been relieved of his duties as head coach ⤵️
— FC Schalke 04 (@s04_en) December 18, 2020
Gjermanët kanë 28 ndeshje radhazi që nuk e njohin shijen e fitores dhe si pasojë ata renditen në vendin e fundit në kampionat, me vetëm katër pikë pas 12 ndeshjeve të para.
Tashmë klubi ka caktuar Huub Stevens si trajnerin e tyre të përkohshëm, i cili do të jetë në provë në dy ndeshjet e radhës. Kjo është hera e katërt që Stevens mer drejtimin e Schalkes, pasi e ka bërë më parë dhe në vitet 1996, 2011, dhe në vitin 2019. /abcnews.al
