Gjykata për Krimet e Rënda caktoi masën e sigurisë “arrest në burg” për 76-vjeçarin Namik Velaj. I moshuari akuzohet për vrasjen e bashkëshortes së tij Verke Velaj, në Janar të vitit 2017.
Krimi në familjen Velaj në Patos u fsheh, duke u raportuar fillimisht, si vdekje natyrale. Ishin veprimet hetimore të kryera në vijim nga Prokuroria për Krimet e Rënda që zbardhën krimin, duke identifikuar 76-vjeçarin si autor.
Sipas Prokurorisë, i moshuari ka mbytur bashkëshorten për motive ende të pasqaruara.
Indiciet e para për vdekjen jonatyrale të Verke Velajt u morën nga të afërm, të cilët gjatë ceremonisë mortore konstatuan hematoma në qafën e viktimës./abcnews.al
