Gjatë një takimi në Bruksel të enjten, Prokurori i Përgjithshëm ukrainas Andriy Kostin falënderoi Presidenten e Parlamentit Europian Roberta Metsola për mbështetjen e institucionit për të siguruar që Rusia të mbajë përgjegjësi për krimet e kryera gjatë pushtimit të saj.
“Shpresojmë që vendimi historik i Gjykatës Penale Ndërkombëtare (ICC) për urdhër-arrestin ndaj Putinit do të konsolidojë statusin e tij si një paria për botën e qytetëruar dhe do të jetë fillimi i proceseve ndërkombëtare që fajtorët të mbajnë përgjegjësi”, shtoi Kostin.
Duke përsëritur kërkesën e Ukrainës për krijimin e një gjykate të posaçme për agresionin rus, ai i bëri thirrje BE-së dhe parlamentit europian të mbështesin propozimin e tij.
/abcnews.al
