Atleti shkodran, Izmri Smajlaj i është nënshtruar një operacioni në Itali, pasi dëmtoi gjurin në stadiumin “Loro Borici”.
Në një lidhje me Skype për “ABC e Mëngjesit”, ai tregoi se gjithçka ka shkuar shumë mirë, megjithëse në momentet e para mendonte se karriera e tij u mbyll.
Sakaq, Izmiri zbuloi se aktualisht po ndjek seancat e fizioterapisë derisa të rikuperohet dhe të rikthehet në pistë.
“Ka qenë momenti më i vështirë në jetën time, sepse ishte një garë në vendin tim dhe isha para shumë sfidave botërore. Për momentin mendova se karriera ime mbaroi, por do të rikthehem më i fortë dhe po bëj terapi. Më kanë thënë që do të rikthehem 100%.
Po shfrytëzoj verën për herë të parë në jetën time, po bëj pushime. Fizioterapinë do e bëj te Ilvi Begolli te fizioterapisti Kombëtares.
Kam vendosur të rri në Tiranë se më duhet të shkoj çdo ditë për dy muaj në fizioterapi. Rikthimin e mendoj vitin tjetër në mars, mendoj përpara garave.
Mua më vjen keq që u dëmtova në një garë shqiptare që u dëmtova në një garë shqiptare, pa rëndësi. Të paktën të isha dëmtuar në Europian”, u shpreh Smajlaj./abcnews.al
