Nuk do të ketë paradë të Ditës së Fitores në territoret e kontrolluara nga Rusia, Donetsk dhe Luhansk, sipas një zyrtari të lartë të Kremlinit.
“Parada e Fitores më 9 maj nuk mund të mbahen ende”, tha zëvendësshefi i shtabit të Vladimir Putin, Sergei Kiriyenko, i cituar nga agjencia shtetërore ruse e lajmeve Ria.
Duke folur në një shesh në Mariupol, Kiriyenko u citua nga gazeta shtetërore ruse Rossiyskaya të thoshte: Po, është e pamundur të mbahet një marshim ose një paradë Fitore në Donetsk ose Luhansk më 9 maj, por kjo kohë do të vijë dhe do të vijë së shpejti.”
Sipas gazetës ukrainase Pravda, kjo do të ishte hera e parë që nuk do të mbahet paradë e 9 majit në Luhansk dhe Donetsk që nga viti 2014, kur ato territore u pushtuan nga Rusia.
Zyrtarët ukrainas thanë dje se forcat ruse po përgatiteshin për një paradë ushtarake në qytetin e Mariupol. Në një deklaratë në Telegram, shërbimi inteligjent i Ukrainës tha se Kiryenko kishte mbërritur në Mariupol për t’u përgatitur për paradën.
Mariupol do të bëhet qendra e festimeve, tha inteligjenca e Ukrainës, duke shtuar: “Rrugët kryesore të qytetit po pastrohen urgjentisht, po hiqen mbeturinat dhe trupat e të vdekurve, si dhe municionet që nuk shpërthyen.”
Ministri rus i mbrojtjes, Sergei Shoigu, nuk konfirmoi se parada do të zhvillohej në Mariupol kur u pyet për përgatitjet e vendit të tij për Ditën e Fitores, raportoi AFP. /abcnews.al
