KPK shkarkon Eugen Becin

schedule12:00 - 26 Qershor, 2019

schedule 12:00 - 26 Qershor, 2019

Komisioni i Pavarur i Kualifikimit shkarkoi nga detyra prokurorin e Prokurorisë për Krime të Renda Eugen Beci. KPK e shkarkoi me arsyetimin se prokurori nuk justifikonte pasurinë si dhe nuk kishte deklaruar refuzimin e vizës nga SHBA. Gjithashtu DSIK e cilësoi si të papërshtatshëm për të vijuar detyrën për shkak se kishte kontakte të papërshtatshme.

KPK u shpreh se për Prokurorin e Krimeve të Rënda kishte qarkulluar një foto në vitin 2015 ku ai është fotografuar në shoqërinë e një presoni të dënuar. Beçi s’dha shpjegime për pasurinë, por kërkoi që fotoja e tij publike me një person që ishte i dënuar të mos merrej parasysh.

Trupa që ka kryer hetime ndaj prokurorit të Krimeve të Rënda kryesohej nga Valbona Sanxhaktari, me relatore Xhensila Pine dhe anëtar Roland Ilian. Beci tha se i qëndronte shpjegimeve me shkrim mbi pasurinë, por përsa i përket kontaktit të papërshtatshëm me personin e lidhur me komplotin për vrasjen e Tom Doshit, ai kërkoi që kjo të mos merrej në konsideratë. Prokurori Beci kishte aplikuar për t’u bërë pjesë e Strukturës së Posaçme Antikorrupsion (SPAK)./ABC News Albania 24/7