Ambasadorja e Shteteve të Bashkuara të Amerikës, në Tiranë, Yur Kim, ka reaguar lidhur me rekomandimin që ONM mori nga Komisioneri Publik për të ankimuar vendimin e KPK lidhur me konfirmimin në detyrë të kryeprokurores së Tiranës, Elisabeta Imeraj.
Përmes një postimi në twitter Kim i bën thirrje mediave ta ndjekin nga afër këtë proces.
Kujtojmë se disa javë më parë Komisioni i Pavarur të Kualifikimit konfirmoi në detyrë kryeprokuroren e Tiranës, Elisabeta Imeraj, ndërsa Komisioneri Publik bërë një rekomandim tek Operacioni Ndërkombëtar i Monitorimit duke kërkuar ankimimin e vendimit të KPK në Kolegjin e Posaçëm të Apelimit. Komisioneri Publik ka nxjerrë deklaratën e ONM-së ku thuhet se kryeprokurorja duhet të rivlerësohet për të tria kriteret.
“Në përputhje me rolin e saj kushtetues në procesin e verifikimit, vëzhguesit ndërkombëtarë të ONM dje rekomanduan Komisionerët Publikë të apelojnë vendimin e Komisionit të Pavarur të Kualifikimit për një çështje të rëndësishme ➡️http: // ikp.al/ëp-content/upl oads /2021/06/Rekomandim-p%C3%ABr-vendimin-e-KPK-s%C3%AB-nr.-363-dat%C3%AB-1.4.2021.pdf …
Të gjithë duhet të shikojmë nga afër se çfarë do të ndodhë më pas. A do të jetë përgjigjja për të treguar guxim dhe integritet për të dhënë drejtësi apo, siç e kemi parë shumë shpesh në të kaluarën, do të ketë përpjekje për të devijuar duke sulmuar procesin e vettingut dhe duke shpifur për vëzhguesit ndërkombëtarë?
A do t’i shërbejnë mediat publikut dhe ta mbulojnë këtë çështje me integritet, apo do të marrin telefonata dhe do të bien dakord të qëndrojnë të heshtur dhe të verbër? Koha është tani për të treguar guxim dhe integritet. Koha për të thyer modelet e vjetra që dëmtojnë. Koha që Shqipëria të ecë përpara hap pas hapi. SHBA do të jetë me ty”, shkruan Kim. /abcnews.al/
