Loading ...
Mijëra shqiptarë janë mbledhur në Hagë në mbështetje të ish-krerëve të UÇK-së, ndërsa vendimi gjyqësor ndaj tyre nesër konsiderohet vendimtar për të ardhmen e Kosovës.
Deputeti i Partisë Demokratike të Kosovës, Mërgim Lushtaku deklaroi se nuk po gjykohet vetëm UÇK, por edhe liria e popullit të Kosovës.
Në një intervistë nga Haga për gazetaren e ABC News, Habi Hoxha, Lushtaku u shpreh se të gjithë shqiptarët janë bashkuar pa simbole politike.
“E dimë se njerëzit e përbëjnë ushtrinë, ata njerëz kanë ardhur nga populli. Ata nuk mund të ndahen nga populli. Aty nuk po gjykohet vetëm populli i Kosovës, por edhe liria jonë, edhe e ardhmja jonë. Tentimi për ta hequr nga kjo narrativë, është e dëmshme. Populli, mbi të gjitha e ka kuptuar që po gjykohet UÇK, prandaj janë të gjithë këtu. Kur është luftuar për lirinë e Kosovës, është luftuar pa emblema politike”, theksoi ai./abcnews.al
