Komiteti Olimpik i Kosovës (KOK) i ka bërë thirrje Komitetit Olimpik Ndërkombëtar (IOC) dhe Federatës Ndërkombëtare të Tenisit (ITF) që të marrin masa disiplinore ndaj tenistit serb, Novak Djokovic.
Të hënën, Djokovic la një mesazh politik në kamerën gjatë turneut “French Open”, kushtuar trazirave që po ndodhin në veri të Kosovës, duke shkruar: “Kosova është zemra e Serbisë. Ndaloni dhunën”.
Në një letër të shkruar nga presidenti i KOK-ut, Ismet Krasniqi drejtuar IOC-ut, tha se mesazhi i Djokovic shkel parimin themelor të statutit të IOC në pikën e neutralitetit politik dhe përfhsin një deklaratë tjetër politike në sport.
KOK pretendon se Djokovic përsëri promovoi propagandën e nacionalistëve servë dhe përdori platformën sportive për ta bërë këtë, duke rritur kështu, nivelin e tensionit dhe dhunës mes dy vendeve, Kosovës dhe Serbisë.
Tensionet janë rritur ditët e fundit dhe gjithashtu ka pasur përleshje masive në veri të Kosovës.
Por referenca e Djokovic për “ të gjithë Serbinë” pasqyron politikën e qeverisë serbe, e cila ende e konsideron Kosovën si pjesë të territorit të saj dhe nuk e ka njohur pavarësinë e këtij vendi
Krasniqi paralajmëroi se nëse nuk ndërmerren masa kundër tenistit serb, kjo gjë do të krijojë një precedent të rrezikshëm që sporti mund të përdoret si platformë për mesazhe politike.
Ai shtoi: “Unë kërkoj me respekt që IOC të reagojë brenda kornizës së saj dhe t’i kërkoj ITF-së të ndjekë parimet e rregulluara nga Karta Olimpike dhe të hetojë për këtë çështje duke hapur një procedim disiplinor kudnër atletit.”/ h.ll/abcnews.al
