Policia e Shtetit lidhur me situatën me koronavirusin dhe masat kufizuese për qarkullimin rrugor ka vendosur dy numra shtesë për qytetarët.
Në njoftimin e publikuar policia i bën thirrje qytetarëve të tregohen të përgjegjshëm dhe bën me dije se numrat do të jenë në dispozicion deri në përfundim të situatës së emergjencës.
“Duke marrë në konsideratë fluksin e madh të kërkesave të adresuara nëpërmjet email-it zyrtar të Policisë Rrugore apo telefonatat e pafundme në numrin e emergjencës, policia njofton se nga ora 22:00 e 13 marsit, deri në përfundim të situatës emergjente, Policia Rrugore do vendosë dy numra shtesë 24/24, në dispozicion të qytetarëve. Ata janë 069 41 22 223 dhe 069 41 22 224”, shkruhet në njoftim.
Policia e Shtetit/Informacion
Për t’u ardhur në ndihmë qytetarëve, në raste të problematikave të ndryshme që mund të lindin si pasojë e zbatimit të masave shtesë, të marra për parandalimin e përhapjes së COVID-19, të cilët kërkojnë zgjidhje apo konfirmim nga ana e Policisë, si dhe duke marrë në konsideratë fluksin e madh të kërkesave të adresuara nëpërmjet email-it zyrtar të Policisë Rrugore apo telefonatat e pafundme në numrin e emergjencës, ju informojmë se:
Drejtoria e Policisë Rrugore, duke filluar prej orës 22:00 të datës 13.03.2020 deri në përfundim të situatës emergjente, do vendosë dy numra shtesë 24/24, në dispozicion të qytetarëve për të telefonuar dhe konkretisht numrat:
069 41 22 223 dhe 069 41 22 224.
Policia Rrugore kërkon mirëkuptimin e qytetarëve që në këto numra të telefonojnë vetëm ata që kanë emergjencë dhe problematikë që kërkon zgjidhje dhe jo të bllokojnë linjat duke telefonuar thjesht për informacion.
Edhe njëherë Policia e Shtetit gjen rastin të apelojë për të gjithë qytetarët që të zbatojnë në vijimësi çdo masë aktuale dhe masat shtesë që merren në varësi të zhvillimit të situatës, me qëllim parandalimin e përhapjes së COVID-19.
