Edhe pse Kruja është kthyer në një nga vatrat kryesore të koronavirusit në Shqipëri, jeta në këtë qytet vazhdon normalisht. Ministrja e Shëndetësisë Ogerta Manastirliu ka ndarë lajmin e ardhjes në jetë të Joelit, duke bërë edhe një falenderim për punën e mjekëve në këtë kohë të vështirë të pandemisë së koronavirusit.
LEXO EDHE: Punonjës të infektuar, ISHSH mbylli sot 3 fasoneri në Krujë
“Joeli ka ardhur në jetë pak orë më parë në spitalin e Krujës ku edhe në këto ditë të vështira në përballjen me Covid 19 në këtë zonë, ekipet mjekësore nuk e kanë ndalur punën në asnjë moment.
Faleminderit dr. Faik Bardhi, dr. Rovena Tali, infermieret Lina Bega, Denisa Vathi dhe të gjithë ekipit të spitalit të Krujës për punën e palodhur!
Nga 1 Janari, 8285 të porsalindur kanë përfituar bonusin e bebes. Fëmijët janë mrekulli”, shkruan Manastirliu./abcnews.al
