Koreja e Veriut dhe Kina ranë dakord të forcojnë bashkëpunimin taktik dhe të mbrojnë interesat e përbashkëta, tha të shtunën agjencia zyrtare e lajmeve e Veriut KCNA, duke raportuar mbi takimin e ministrit të Jashtëm Choe Son Hui me zëvendësministrin e Jashtëm kinez Sun Weidong.
Të premten, Kina deklaroi se të dy vendet u zotuan të forcojnë komunikimet strategjike “në të gjitha nivelet” dhe riafirmuan “qëndrimin e palëkundur” për thellimin e lidhjeve ndërsa Sun u takua me homologun e tij koreano-verior, Pak Myong Ho, në Phenian.
Sun mbërriti në Phenian të enjten, duke kaluar përmes qytetit Sinuiju në kufirin e dy vendeve. Ishte shkëmbimi i fundit i Koresë së Veriut me Kinën dhe Rusinë, ndërkohë që rrit konfrontimin me Shtetet e Bashkuara dhe Korenë e Jugut.
Koreja e Veriut ka përmirësuar në mënyrë dramatike lidhjet e saj me dy anëtarët e përhershëm të Këshillit të Sigurimit të OKB-së dhe aleatët tradicionalë, të cilët kanë ardhur në krah të Phenianit, ndërsa ai përshpejton zhvillimin e një sërë armësh taktike dhe strategjike./abcnews.al
