Koreja e Jugut tha sot se është thellësisht e shqetësuar për vizitën e presidentit rus Vladimir Putin në Korenë e Veriut dhe i kërkoi Kinës të jetë konstruktive në përpjekjet për të vendosur stabilitet në Gadishullin Korean.
Siç deklaroi Ministria e Punëve të Jashtme të Koresë së Jugut në një deklaratë, rritja e bashkëpunimit ushtarak midis Moskës dhe Phenianit nuk është në interesin e Pekinit.
Koreja e Jugut thuhet se ka përcjellë pozicionin e saj në Kinë gjatë bisedimeve që përfshinin zëvendësministrin e parë të jashtëm të Koresë së Jugut Kim Hong-kyun dhe zëvendësministrin e Jashtëm kinez Sun Weidong në Seul të martën, njoftoi agjencia e lajmeve e Koresë së Jugut Yonhap.
“Ne shprehëm shqetësimin tonë të thellë për vizitën e presidentit rus Putin në Korenë e Veriut, e cila vjen në një kohë kur Pheniani ka përshkallëzuar tensionet në Gadishullin Korean me një sërë provokimesh”, tha ministria në një deklaratë.
Putin, i cili sot është në vizitën e tij të parë në Korenë e Veriut pas 24 vitesh, bisedoi me liderin e Koresë së Veriut Kim Jong Un për përmirësimin e bashkëpunimit dypalësh.
Vizita e Putinit në Korenë e Veriut vjen në mes të tensioneve të rritura në Gadishullin Korean, sipas një agjencie koreano-jugore./abcnews.al
