Gjykata e Korçës la në burg juristin e Hipotekës në fund të seancës për masën e sigurisë. Elvis Gjata akuzohet se përmes mashtrimit i mori një gruaje nga Librazhdi tetë mijë euro. Këtë e bëri duke i premtuar asaj ndërhyrje për një çështje penale në gjykatë.
Mbi Gjatën rëndon akuza e mashtrimit në bashkëpunim. Juristi u arrestua dy ditë më parë pas denoncimit të bërë nga viktima e mashtrimit. Me të marrë padinë, policia dhe prokuroria e vunë në ndjekje Elvis Gjatën dhe siguruan prova për akuzën e mashtrimit./abcnews.al
