Ndeshja mes Erzenit dhe Korabit, e luajtur në Shijak, është mbyllur me fitoren e miqve me rezultatin 1-2. Korabi mori një fitore të madhe, duke u ngjitur dhe në krye të Kategorisë së Parë.
Edhe pse fituan, klubi i Korabit nuk lejon kurrsesi të lërë pas dhunën që u ushtrua në stadium, që sipas tyre, kanë qenë disa futbollistë në fushë dhe nga stoli që i kanë sulmuar. Me anë të një videoje të postuar në faqen e tyre zyrtare në Facebook, klubi i Korabit denoncoi publikisht dhunën e ushtruar ndaj tyre, duke shkruar:
“Këto pamje të turpshme dhe anti-sportive ndodhën sot në Shijak, portieri Vata, lojtarët Zuna, Teqja dhe Kacmoli i cili u ndëshkua me karton të kuq nga stoli kanë goditur lojtarët tonë në sy të vëzhguesit dhe delegatit të FSHF.
Denoncojmë publikisht dhunën e ushtruar dhe ju bëjmë thirrje institucioneve dhe medies sportive të reagojnë për të parandaluar veprime të tilla dhe të merren masat e nevojshme për të parandaluar situata të pakëndshme në të ardhmen! Turp!”/abcnews.al
