Klima konfliktuale mes Turqisë dhe Greqisë, ishte një tjetër çështje e cila u diskutua ditën e premte në studion e “Ballkan” në Abc të gazetares Linda Karadaku.
I ftuar për të folur për këtë çështje ishte ish-Këshilltari Rajonal i institucionit të Presidentit në Shqipëri, Flamur Gashi.
Ai theksoi se nuk ka shanse që konflikti mes dy shteteve të përshkallëzojë në luftë, pasi janë dy vende anëtare të NATO-s.
Sipas tij NATO do të ndërhyjë për zgjidhjen dhe gjetjen e një marrëveshjeje për dy vendet.
Pjesë nga diskutimi:
Karadaku: Zoti Gashi, ju e shpjeguat qartë nevojën që në marrëveshjen përfundimtare të përfshihet demarkimi, e përmendet për shkak të NATO-s. Por problemi qëndron se dhe brenda vetë NATO-s gjërat nuk shkojnë kaq vaj. Se dy nga vendet e NATIO-s Turqia dhe Greqia kanë probleme me njëra-tjetrën, po shohim fluturime avionësh, ushtria greke që është vënë në gatishmëri, kemi analistë që thonë se kjo çështje mund të shkojë në konflikt?
Gashi: Jam dakord me ju, por është më mirë se mos ishte fare. Edhe në konfliktin turko-grek NATO do të ndërhyjë për ta zgjidhur. Prandaj ne jemi shumë të interesuar që kjo paketë duhet të jetë e plotë.
Karadaku: Nga ajo që shihni ju deri tani në konfliktin Greqi-Turqi si mund ta zgjidhë NATO?
Gashi: Duhet të ishte mbledhur këshilla i NATO-s dhe të zbatojë marrëveshjet. Unë besoj se do të ketë një diskutim do të gjendet zgjidhja dhe do të jetë më e mira për të dyja shtete, pasi nuk i intereson as NATO-s as BE-së për një konflikt mes këtyre dy shteteve. Edhe pse Turqia i ka raportet shumë të mira me Rusinë, armatimi kryesor i Ukrainës vjen nga Turqia., Prandaj po ndodh ky konflikt tani, që po nxit klimë tensioni sa më afër qendrës së BE.
Karadaku: Kjo është dhe përpjekje për të goditur NATO-n?
Gashi: Po është përpjekje e drejtpërdrejtë.
Karadaku: A rrezikohet uniteti i NATOS?
Gashi: Nuk guxoj as ta mendoj.
/Taulant Halili/ Abcnews.al/
