Klubi i Arsenal ka konfirmuar se David Luiz i është nënshtruar me sukses në kyçin e këmbës. Qendërmbrojtësi mungoi në humbjen e djeshme 0-3 kundër Liverpool dhe mëngjesin e sotëm përfundoi operacionin.
“Procedura përfundoi me sukses dhe David tashmë është kthyer në shtëpinë e tij, ku do të kryejë dhe fazën e rehabilitimit. Stafi ynë mjekësor do të bëjë të pamundurën që ai të rikthehet sa më shpejt”, shkruhet në deklaratën zyrtare të londinezëve.
33-vjeçari pritet të jetë një mungesë e madhe për Mikel Artetën sepse mund të qëndrojë jashtë fushave për afro 3-4 javë. David Luiz me shumë mundësi do të humbasë dhe dy duelet në Europa League me Spartën e Pragës, një kompeticion ku Arsenali pretendon ta fitojë. /abcnews.al
