Veprimtaria e SPAK kundër korrupsionit është një sinjal i fortë për të tërhequr investitorët e huaj. Në konferencën Ekonomike për Ballkanin Perëndimor, Drejtuesja për Evropën Jugore e Qendrore në DASH, Colleen Hyland thekosi se ky institucion ka fituat besimin e qytetarëve.
“Shqipëria ka bërë përparime te shkëlqyera kundrejt korrupsionit edhe kjo edhe si pasoje e veprimtarisë së SPAK që ka bërë një punë të jashtëzakonshme dhe ka fituar besimin e qytetarëve. Ky është një sinjal forte për investimet dhe kjo sjellje është e rëndësishme për bashkimin me BE”.
Ndërkohë që vuri theksin në krijimin e një tregu rajonal si një hap drejt integrimit në Bashkimin Europian.
“Mendoj që elementi tregtar me rëndësi për zhvillimin e rajonit. Është pjese e rëndësishme qe këto vende te përgatiten për tu bëre pjesë e tregut të përbashkët. Shqipëria nuk mund të përparoje e vetme. Në mënyrë që të ecni para është mire që Ballkani të jetë bashkë dhe qëllimet afatgjata për në BE”.
Kreu i bankës Botërore Emanuel Salinas theksoi se sfidë e ditëve të sotme mbetet përparimi I inteligjencës financiare që po rrezikon të lerë papunë shumë njerëz.
Kur ne kemi te bëjmë me ndryshime teknologjike ka edhe fitues edhe humbës. Automatizmi dhe inteligjenca financiare po shkatërron vende pune dhe kjo po i jep fund profesioneve. Tranzicioni është i fortë dhe jo të gjithë do përshtaten. E rëndësishme të përgatisim kapitalin njerëzor që të mësoj dhe gjëja e dytë është se shumë njerëz nuk do jenë të aftë të përshtaten me këtë ndryshim teknologjik dhe ne duhet ti ndihmojmë ata.
/abcnews.al
