Koncerti recital “Këndojmë me Orkestrën e Ansamblit” vjen për herë të parë në një formë origjinale

Për herë të parë, orkestra e Ansamblit Popullor vjen në një formë krejtësisht origjinale.

Prozhektorët bien mi të, e jo mbi këngëtarët apo valltarët që shoqëron zakonisht orkestra në skenë. Përgjegjës i orkestrës Alban Tahiri thotë se ëndrra e kahershme u bë realitet, me këtë koncert.

Instrumentistja e vetme e kësaj orkestre , Ana Shkjezi  thotë se ka gjetur mbështetje të plotë  nga artistët meshkuj.

Koncerti recital “Këndojmë me Orkestrën e Ansamblit Popullor”  solli një program të pasur muzikor nga krahinat e ndryshme të Shqipërisë, si një tentativë  për të  rikthyer shkëlqimin e dikurshëm të ansamblit.

Qëllimi i tij në 65 vite është përpunimi, zhvillimi dhe përhapja e thesarit folklorik të Shqipërisë./Abcnews.al/