Loading ...
Numërimi mbrapsht ka nisur deri në sfidën e rëndësishme në transfertën kundër Serbisë për eliminatoret e Botërorit 2026. Kombëtarja e Shqipërisë u kthye pasditen e së hënës në fushë, ndërsa zhvilloi seancën e parë të përgatitjeve për këtë ndeshje.
Për shkak të impenjimeve me skuadrat e klubeve dhe oraret e udhëtimeve, trajneri Silvinjo nuk I kishte në dispozicion të gjithë futbollistët e ftuar nga ai.
Lojtarë si Pajaziti, Strakosha, Balliu, Arbër Hoxha, Mihaj, Asani, Broja dhe Ismajli nuk ishin në seancën e parë stërvitore. Shumica e tyre do të jenë të gatshëm në seancat e tjera, me përjashtim të Ardian Ismajli, I cili do të mbetet jashtë ndeshjes kundër Serbisë.
Mbrojtësi u dëmtua në sfidën e një jave më parë me Torinon në Serie A, ndërsa mungoi edhe në përballjen e fundjavës me skuadrën e tij.
Pavarësisht problemeve fizike, ai u ftua nga Silvinjo, por nuk do të mund të japë kontrubutin e tij me skuadrën kuqezi.
Sa i përket përgatitjeve, takimi I parë I kombëtares në “Shtëpinë e Futbollit” kishte një ngarkesë të lehtë fizike për shkak të impenjimit të futbollistëve me ekipet e tyre.
Pas një program të shkurtër në palestër, kuqezinjtë vijuan përgatitjet të fushë, duke simuluar situatat të ndryshme të lojës.
Sylvinjo dhe stafi I tij do të shtojnë ngarkesën në seancat e radhës për të krijuar ide më të qarta për formën e lojtarëve, por edhe për perfeksionin e skemave taktike dhe stradegjisë së zgjedhur për ndeshjen e 11 tetorit kundër Serbisë. / abcnews.al /
