Agjencia Evropiane e Barnave, EMA njoftoi sot se “kokteji i antitrupave” i zhvilluar nga “Regeneron Pharmaceuticals” mund të përdoret për të trajtuar pacientë me COVID-19, të cilët nuk kanë nevojë për oksigjen, por janë në rrezik për komplikacione të rëndë të sëmundjes.
Ky rekomandim tani mund të përdoret si udhëzues individualisht në vendet evropiane mbi përdorimin e mundshëm të kombinimit të “kazirivimab” dhe “imdevimab” para se të licencohet, tha EMA, përcjella bcnews.al.
“Kokteji i antitrupave” Regeneron u licensua për përdorim urgjent në Shtetet e Bashkuara në nëntor dhe iu dha Donald Trump kur ai ishte infektuar me COVID-19.
“Për sa i përket sigurisë, shumica e efekteve anësore të raportuara ishin të lehta ose të moderuara, por ka pasur reaksione të lidhura me infuzionin, përfshirë reaksionet alergjike, dhe duhet të monitorohen,” deklaroi EMA.
Rregullatori i BE po vlerëson gjithashtu trajtimet e antitrupave Eli Lilly dhe Celltrion. g.v/abcnews.al
