Lulzim Basha ka reaguar në Facebook në lidhje me sasinë rekord të drogës që u bllokua të martën mbrëma në Portin e Durrësit.
Sipas kreut të demokratëve, administratori i i “Arbri Garden” sh.p.k, Arbër Çekaj, ka udhëtuar 97 herë drejt Amerikës Latine.
Policia e Shtetit ka shpallur në kërkim Arbër Çepajn. Ai është administratori i “Arbri Garden”, që priste kontenerin me banane, por që në një dysheme të dyfishtë ishin fshehur 613 kilogramë kokainë. Çepaj është një emër i njohur për Policinë pasi edhe në të kaluarën ka qenë i përfshirë në trafikun e lëndëve narkotike./abcnews.al
Reagimi i plotë i Bashës
Kokaina fut në sherr klanet e drogës në qeveri.
Edi Rama dhe Fatmir Xhafaj janë aq të pabesueshëm saqë i pari i bandës thotë se operacioni për kokainën ishte rezultat vetëm i agjencive shqiptare, ndërsa i dyti thotë se kapja u krye në bashkëpunim me agjencitë e huaja.
Cilin nga klanet e drogës duhet të besojmë? Atë të Edi Ramës, pra klanin e kokainës së Xibrakës, apo klanin e Bolonjës së Agron Xhafajt i cili ka përvojë më të gjatë me trafikun e drogës nga Amerika Latine, për të cilin është dënuar në Itali.
Ndërkohë ky që i kapën 613 kg kokainë sot, dhe që është larguar në drejtim të paditur, paska bërë 97 rrugë Kolumbie nën hundën e Edi Ramës dhe Tahir-Xhafajve të tij.
Siç demonstron dokumenti më poshtë: //panjiva.com/Arbri-Garden-Shpk/41582645
