Leo Messi dhe Cristiano Ronaldo kanë dominuar botën e futbollit për shumë vite me radhë. Dyshja e njohur ka ndarë mes tyre 11 nga 12 “Topat e Artë” të fundit, një shifër që tregon shumë për kualitetin dhe vazhdimësinë e tyre.
Gjithsesi, koha kalon dhe vitet ikin. “Pleshti” mbush 33 vjeç në fundin e qershorit, ndërsa CR7 feston 36-vjetorin shkurtin e ardhshëm. Sipas Transfermarket, asnjë prej të dyve nuk ka më vlerën më të shtrenjtë në treg.
Kapiteni i Barcelonës renditet në vend të 8-të me një vlerë prej 132 milion paundësh, ndërsa ylli portugez nuk bën pjesë as në dhjetëshen e parë. Podi plotësohet nga dy lojtarë të PSG-së dhe një i Manchester City.
Në krye është Kylian Mbappe (PSG) me një vlerë prej 189 milion paund. I dyti renditet Rahem Sterling (Manchester City) me 151 milion paund, ndjekur nga braziliani Neymar (PSG) me të njëjtën shumë. /abcnews.al
Most valuable players in world revealed with Lionel Messi down in EIGHTH as Kylian Mbappe leads list at £188m – https://t.co/ueHXFB8Uhd pic.twitter.com/74eaincwnq
— DiariSukan (@DiariSukan_) March 19, 2020
