Elton Cale dhe Agustin Torassa do ta vazhdojnë karrierën në Kosovë, ku do të aktivizohen me Gjilanin. Ata kanë firmosur për dy vite, ndërkohë që së fundmi kanë marrë edhe një falënderim nga Tirana për kontributin e dhënë.
“Klubi i Futbollit Tirana përdor këtë postim për të falënderuar dy lojtarët, Elton Cale dhe Agustin Torassa për kontributin e dhënë këto vite.
Përjetësisht mirënjohës për emocionet që na dhuruan duke mbajtur veshur fanellën bardheblu dhe për punën e madhe në fitimin e titullit kampion 20/21.
U urojmë suksese në rrugën e tyre si futbollistë dhe do të mbeten gjithmonë shokë skuadre dhe zemre për ne”, shkruhet në postimin e Tiranës në rrjetet sociale. /abcnews.al
