KF Vllaznia ka shprehur ngushëllimet për familjen Rushaj, ku një ditë më parë babai dhe djali humbën jetën në mënyrë tragjike në Bogë, pasi u morën nga rrjedha e ujit.
Pjetër dhe Jason Rushaj nuk mundën të mbijetonin pas vërshimit të ujit. Djali u mor nga rrjedha e ujit dhe babai u hodh për ta shpëtuar, por asnjëri nga të dy nuk mundi të mbijetonte.
Jasoni gjithashtu ishte dhe një futbollist dhe stërvitej pranë Akademisë “Djelmnia Shkodrane”.
Postimi i KF Vllaznia:
Ndarja nga jeta në mënyrë tragjike dje në Bogë e Pjetër dhe Jason Rrushajt ka qenë një ngjarje e rëndë për të gjithë, përfshirë këtu edhe komunitetin e futbollit pasi Jason ishte një lojtar me perspektivë qê po rritej tek Akademia e Futbollit “Djelmnia shkodrane”..
KF Vllaznia i shpreh ngushëllimet më të sinqerta familjes Rushaj, e po ashtu edhe Akademisë së Futbolllit “Djelmnia shkodrane” për këtë humbje të madhe.
U prehsh në paqe Jason!
/Abcnews.al/
