Kryesuesit e Premier League, Liverpool, vazhdojnë të mbeten të pamposhtur këtë sezon pas fitores në minutat e fundit kundër Aston Villa-s. Vetëm Arsenali i Wenger ka arritur të mos mposhtet në një sezon në Premier Leaugue.
Trajneri i “The Reds” kur u pyet nga “Sky Sport” nëse Liverpooli i tij mund të arrijë atë çka ka bërë Arsenali ai përgjigjet: “ Është e pamundur nëse ne luajmë siç luajtëm derisa pësuam golin. Nuk e pashë mentalitetin e fituesit. Të jem i sinqertë nuk e mendoj rekordin. Ne vetëm mendojmë se si të fitojmë ndeshjen e rradhës.”
“E vështirësuam vetë situatën. Aston Villa bëri një ndeshje të mirë. Por, ne duhet të mësojmë dhe të ecim përpara. Më erdhi keq për Aston Villa-n sepse meritonte më shumë. Duhet të përqëndrohemi tek ndeshja e rradhës.”- mbyll trajneri gjerman. Liverpool ruan kryesimin me një diferencë prej 6 pikësh nga Manchester City i vendit të dytë. /abcnews.al
