Liverpool nuk fitoi as ndaj Newcastle. 0-0 u mbyll sfida e luajtur në “St James Park” dhe ky ishte barazimi i dytë radhazi në kampionat për “The Reds”. Trajneri i kampionëve në fuqi, Jurgen Klopp foli pas ndeshjes, ku ndër të tjera tha:
“Renditja është gjëja e fundit që duhet të mendojmë në këtë moment. Është bukur të qëndrosh në krye, por nuk do të thotë asgjë në këtë moment. Rezultati ynë ndaj Newcastle konfirmon se sa i vështirë është kampionati i këtij sezoni.
Po përdor një metaforë: nëse jeta të dhuron një limon, ti duhet të përpiqesh të marrësh diçka prej tij. Ky vit ka qenë madhështor për ne, edhe pse shumë njerëz kanë vuajtur.
Futbolli është një burim kënaqësie, por ka gjëra më të rëndësishme. Tani ka rëndësi të madhe të fitojmë ndaj Southampton, një kundërshtar që ndodhet në katet e sipërme të tabelës“, deklaron Klopp. /abcnews.al
