Liverpool e nisi sezonin keq pas shumë dëmtimeve të pësuara, por javëve të fundit kthyer fuqishëm dhe po “shtyp” çdo kundërshtar. Një nga pikat më të forta të të kuqe është padyshim Sadio Mane.
Sulmuesi nga Senegali, pavarësisht paraqitjeve të mira dhe shërbimeve ndaj shokëve të skuadrës, nuk ka mundur të shënojë më shumë se një 1 gol në 10 në ndeshjet e fundit.
Klopp në një intervistë shprehet se do të humbte gjithë paratë e tij nëse do vinte bast për golat e shënuar nga Mane në 10 ndeshjet e fundit. Gjermani tregon se u çudit shumë kur pa se anësori kishte shënuar vetë 1 rrjetë.
“Do të kisha humbur të gjitha paratë e mia nëse do të vija bast se e dija sa gola kishte shënuar Sadio (Mane) në 10 ndeshjet e fundit. Nuk e kisha idenë se ai kishte vetëm 1 gol.
Ai ka luajtur jashtëzakonisht mirë, është thuajse e pamundur të mbrohesh ndaj tij, duhet të vendosni 2-3 lojtarë për të mbajtur Sadion. Kjo i krijon shumë hapësira pjesës tjetër të ekipit”, u shpreh Klopp. /abcnews.al
