Trajneri i Liverpool-it, Jurgen Klopp, e ka bërë të qartë se një rinovim i madh i skuadrës është planifikuar për verën.
“Do të duhet të bëjmë diçka gjatë verës, kjo është e kuptueshme. Një nga arsyet pse nënshkrova një kontratë të re është sepse [për të krijuar një ekip të ri]. Vitin e kaluar nuk kemi pasur ndryshime të rëndësishme. Tani duhet të zbulojmë se kush do të largohet nga klubi përpara se të bëjmë plane”, u tha Klopp gazetarëve në një konferencë për shtyp të premten.
Kujtojmë se Liverpool aktualisht zë vetëm vendin e tetë në renditjen e Premier League. Skuadra e Jurgen Klopp humbi 2-5 ndaj Real Madridit në Ligën e Kampionëve. /G.D abcnews.al/
