Procesi gjyqësor ndaj Emiliano Shullazit vijon të jetë në ngërç prej disa muajsh. Në Gjykatën e Posaçme të Apelit Kundër Korrupsionit dhe Krimit të Organizuar nuk ka nisur ende gjykimi në themel për shkak se trupa gjykuese është e papaplotë.
E vetmja gjyqtare në këtë çështje është Albana Boksi. Gjyqtarët e tjerë kanë dhënë doreheqjen, sepse gjendeshin në situatën e konfiktit të interesit dhe disa janë shkarkuar nga “Vetingu”.
Për këtë çështje Këshilli i Lartë Gjyqësor i është drejtuar me shkresë zyrtare Kuvendit dhe Ministrisë së Drejtësisë duke kërkuar ndryshime ligjore. Gjyqtarët që vijnë nga gjykatat e Apelit, Etleva Temo dhe Artur Kalaja nuk mund të zhvillojnë procesin gjyqësor në themel, pasi nuk janë gjyqtarë të posacëm.
Togat e zeza të Gjykatës së Posacme kanë dhënë pëlqimin për tu përgjuar celularet dhe llogaritë e tyre bankare dhe të familjarëve te gjyqtareve.
Avokati Vladimir Meçe ka sqaruar se të pandehurit në këtë process, në kushtet kur mungon Gjykata e Larte dhe Gjykata Kushtetuese, i janë drejtuar direkt Gjykatës së Strasburgut.
Ai ka evidentuar shkelje të Konventes Europiane të të Drejtave të Njeriut që lidhen me lirinë e personit dhe me gjykimin nga një gjykatë e caktuar me ligj dhe për një proces të drejtë ligjor.
Sipas avokatit të Emiljano Shullazit, çështja është dërguar në Strasburg për shkak të një vendimi të KLGJ për lejimin e shqyrtimit të kërkesave që lidhen me te drejtat e të pandehurit, nga gjyqtarët e deleguar me parë në Gjykaten e Krimeve të Rënda.
Sipas Meçes, ky vendim është në shkelje flagrante të Kushtetutes dhe ligjit, dhe u ka mohuar të pandehurve të drejten për të vazhduar gjykimin në kushtet e paraburgimit.
Vladimir Meçe thotë se Emiljano Shullazi, Endrit Qyqja, Gilmando Dani, Endrit Zela dhe Blerim Shullazi kanë kërkuar që Gjykata e Strazburgut të marrë masë provizore lidhur me vijimin e padrejtë të paraburgimit.
Pas ndryshimit të statusit të gjykatës nuk është bërë rivlersimi i masës së sigurisë ashtu siç parashikon ligji./abcnews.al
