Administrata e Hapësirës Kibernetike në Kinë, ka vendosur rregulla të reja të cilat po përpiqen që të krijojnë një mjedis të sigurt dhe të shëndetshëm në internet për të miturit.
Mediat e huaja shkruajnë se në kuadër të kësaj rregullorje moshat nën 18 vjeç në Kinë nuk do të jenë më në gjendje të hyjnë në internet në telefonat e tyre inteligjentë gjatë natës dhe koha që ata mund të jenë online gjatë ditës do të jetë e kufizuar, sipas legjislacionit të ri kundër varësisë të zbuluar sot.
Bazuar në këto kufizime, të cilat pritet të hyjnë në fuqi më 2 shtator pas një konsultimi publik, asnjë i mitur nuk do të mund të hyjë në internet nëpërmjet një terminali celular nga ora 22:00 deri në orën 06:00 të mëngjesit .
Përveç kësaj, do të vendoset gjithashtu një sistem për të kufizuar kohën ditore të shpenzuar në internet nëpërmjet telefonave inteligjentë: adoleshentët e moshës 16-17 vjeç do të mund të jenë online për dy orë, krahasuar me vetëm 40 minuta për fëmijët nën 8 vjeç .
Këto rregulla të reja, të propozuara nga Administrata e Hapësirës Kibernetike të Kinës dhe do të zbatohen me mjete teknike, janë ndër më të rreptat në botë në këtë fushë.
Megjithatë, prindërit do të jenë në gjendje t’i çaktivizojnë nëse dëshirojnë. Kina ka publikuar rregulla të shumta në këtë drejtim vitet e fundit.
Nga viti 2021, ai kufizon sasinë e kohës që fëmijët mund të kalojnë duke luajtur online në ditë. Ai gjithashtu kishte ngrirë miratimet e video-lojërave të reja për nëntë muaj, duke shkaktuar trazira në mesin e bizneseve të shumta në këtë sektor – përfshirë gjigantin kinez Tencent./abcnews.al
