Këshilltari mjekësor kryesor i Pekinit ka treguar se vaksinat e para të COVID-19 mund të jenë gati që në fillim të vjeshtës.
Dr Zhong Nanshan, tha të shtunën se arma e vetme është vaksinimi në masë dhe jo formimi natyral i imunitetit.
Epidemiologu e kritikoi këtë të fundit duke thënë se kjo mënyrë do të merrte shumë jetë.
Imuniteti i popullsisë është një alternativë e sugjeruar fillimisht nga qeveria britanike dhe kërkon që një pjesë shumë e madhe e popullit të fitojë imunitet, në mënyrë që të mos mundet më të përhapet brenda komunitetit.
Dr. Zhong u shpreh se numri i vdekjeve, nëse zgjidhet kjo alternativë, do të ishte shumë i lartë dhe i vendosi të gjitha shpresat te vaksina që shpreson të jetë gati në fillim të vjeshtës.
Shefi i shëndetësisë shtoi se vaksina do të përdoret për raste urgjente, siç mund të jetë një valë e re e shpërthimit të virusit.
Kina po teston të paktën pesë lloje të ndryshme të vaksinave COVID-19, sipas një raporti të lëshuar nga qeveria qendrore të dielën./abcnews.al
