Ambasadorja amerikane Yuri Kim është takuar ditën e sotme me ministrin e Punëve të Brendshme Bledi Çuçi.
Në një postim në Twitter, diplomatja amerikane shkruan se i vjen mirë që ministri ka urdhëruar hetime lidhur me mënyrën sesi u trajtuan protestuesit, në demostratat e ngritura pas vrasjes së Klodian Rashës.
Po ashtu, Kim shkruan se e drejta për protesta paqësore duhet të respektohet. Me Çuçin, ambasadorja amerikane ka diskutuar edhe për rolin e Ministrisë së Brendshme në zgjedhje.
POSTIMI I PLOTË
“Pata një takim me Bledi Çuçin për t’i uruar suksese si Ministër i Brendshmë. Më vjen mirë që dëgjova se ai ka urdhëruar hetime për mënyrën sesi u trajtuan protestuesit. E drejta për të protestuar në paqe duhet të respektohet. Po ashtu, diskutuam edhe për rolin e Ministrisë së Brendshme në zgjedhje. Ramë dakord që të fuqizojmë bashkëpunimin SHBA-Shqipëri në sigurinë dhe përforcimin e ligjit.”
Met w/@bledicuci to wish success as Min of Interior. Good to hear he ordered investigations into treatment of protestors. Right of peaceful protest must be respected. Also discussed role of MOI in elections. We agreed to strengthen ???? cooperation on security & law enforcement.
— Ambassador Yuri Kim (@USAmbAlbania) December 23, 2020
