Kim Kardashian firmosi divorcin me Kanye West, arsyeja që vulosi martesën 6-vjeçare

Kim Kardashian firmosi divorcin me Kanye West të premten. Dyshja e famshme hollivudiane nuk arritën ta mbajnë martesën 6 vjeçare, duke konfirmuar kështu thashethemet që kanë qarkulluar kohët e fundit. Burime të shumta kanë konfirmuar për mediat e huaja se marrëdhënia e tyre pësoi një krizë në vitin 2018, por ishin në gjendje ta kalonin.

Një burim ka konfirmuar për “US Weekly” se marrëdhënia e tyre u bë e pariparueshme për shkak të tubimit që reperi mbajti në Korrik gjatë kandidimit si President i SHBA-ve. Por kur Kanye i tha botës se ai dhe Kim kishin diskutuar abortin e North, kjo isha dhe arsyeja që vulosi martesën e tyre 6-vjeçare.

“Nuk kishte më kthim mbrapa për Kim. Ajo mendoi se ishte krejtësisht e papranueshme. Ata kurrë nuk ishin në gjendje të ktheheshin në vendin ku ishin dikur.”, u shpreh burimi. Pasi zbuloi sekretin familjar, Kanye hodhi akuza ndaj Kim dhe vjehrrës së tij, së cilës i referohej si “Kris Jong Un” se u përpoqën ta angazhonin në një spital psikiatrik.

Kohët e fundit është raportuar se reperi po kalon një kohë të vështirë për shkak të divorcit. Burime për Us Weekly janë shprehur se edhe pse ai e dinte se divorci ishte afër, Kim ka qenë gjithmonë ajo vajza që gjithmonë ka ëndërruar. “Kim ka qenë gjithmonë vajza e ëndrrave dhe para se të lidheshin bashkë. Prandaj fakti se tashmë nuk do të jetë më gruaja e tij, është shumë e vështirë për t’u pranuar.” /abcnews.al