Loading ...
Janë shumë të paktë ata që kanë bërë më shumë.
Ndoshta Kevin Durant nuk do ta arrijë dot një Lebron Xhejms apo një Abdul Karim Xhabar, por gjithsesi ai po ngjitet në renditjen e shënuesve më të mirë të basketbollit amerikan.
Në moshën 38-vjeçari, ai kaloi shifrën e veçantë të 31 000 pikëve në karrierë në sezonin e rregullt.
Kjo, pasi shënoi 28 në fitoren e thellë që Hjuston Rokits arriti ndaj Feniks Sansëve në NBA, me shifrat 117-98.
Durant është i teti lojtar në historinë e ligës më të fortë të koshit në botë që kalon kufirin 31 000 pikë, ndërsa në radhë përpara tij është legjenda e madhe dhe e paharruar Uilt Çembërlen, me vetëm rreth 400 pikë më shumë.
Më tej vijnë gjigandi gjerman, Dirk Novicki, dhe ai që cilësohet ende si më I miri I të gjitha kohëve, Majkëll Xhordan, që ka 32 292 pikë.
Natyrisht, nuk bëhet fjalë që Durant të pretendojë nivelin e Lebron Xhejmsit që ka mbi 42 000 pikë në sezonin e rregullt, as Xhabarin me mbi 38 000.
Kevin Durant është shpallur dy herë kampion i NBA-së me Golden Stejtin, ndërsa shpreson të fitojë edhe një titull tjetër e të vazhdojë sa më gjatë karrierën, ndonëse njihet si “njeriu i akullt” i basketbollit amerikan.
