Pas një sezoni “sorollatjesh”, mes “qytetarëve” të Manchester City e “bavarezëve” të Bayern Munich, Joao Cancelo tashmë është transferuar te “katalanasit” e Barcelona aty, ku duket se ka gjetur formën e tij më të mirë.
Në një intervistë për mediat spanjolle, anësori portugez nuk e fshehu aspak lumturinë e tij, teksa tha shtoi se kalimi i tij te “katalanasit” e Barcelona është një ëndërr e madhe e bërë realitet.
“Ky transferim te Barcelona ka rrisqet e veta, por kështu ka qenë e gjithë jeta ime. Nuk po flas vetëm për fushën, por edhe për pjesën jashtë saj. Duhet t’i falenderoj të gjithë njerëzit që punojnë tek Manchester City sepse atje kam kaluar momentet më të bukura të karrierës.
Kjo falë shokëve të skuadrës, trajnerit Guardiola, stafit. Janë një grup shumë i mirë. Për mua City është skuadra më e fortë në botë. Për këtë them që ishte një rrisk të transferohesha te Barcelona, por kur vjen mundësia për të luajtur me Barçën atëherë nuk duhet ta humbasësh atë.
Barcelona është klubi që kam ëndërruar. Jam i lumtur dhe i kam shijuar vërtet këto tre ndeshjet e para. Luaj me lojtarë të mëdhenjë dhe kjo më gëzon edhe më tepër”,- u shpreh anësori portugez i mbrojtjes. /i.m /abcnews.al
