Kërkuan donacione për zjarret në Hawaii, fansat kritikojnë Oprah Winfrey dhe Dwayne Johnson

Oprah Winfrey dhe Dwayne “The Rock” Johnson u përballën me një stuhi të ashpër reagimi të martën pasi u kërkuan fansave të tyre të dhuronin para për të ndihmuar të prekurit nga zjarret në Maui. Të dy janë vënë në shënjestër të komentuesve për faktin se vlera e tyre neto e kombinuar tejkalon 2.8 miliardë dollarë.

Dyshja e Hollivudit grumbulloi 10 milionë dollarë për Fondin Popullor të Maui-t, por më pas kërkuan nga fansat e tyre në Instagram dhe TikTok që të dhuronin pjesën tjetër. Megjithatë, shumë fansa reaguan se nuk kishin mundësi dhe se të famshmit e pasur duhet të japin më shumë nga paratë e tyre për të ndihmuar.

“Miliarderët u kërkojnë të varfërve para, qesharake”, komentoi një tjetër në videon që Oprah postoi në Instagram.

“Ju keni miliarda. Mund të dhurosh 100 milionë dollarë dhe të jesh akoma i pasur si më parë”, kritikoi një përdorues tjetër Winfrey, e cila vlerësohet të ketë një pasuri prej 2.5 miliardë dollarësh, sipas Forbes. “10 milionë janë 0.5% e 2 miliardë. Dëshiron 0.5% tim? Janë 16 dollarë,” shkroi një në TikTok.

“Ky duhet të jetë një mesazh për miqtë tuaj miliarderë,” shkroi një tjetër. “Është çmenduri të kërkosh para”. Një tjetër shkroi: Si është e mundur që gruaja më e pasur në botë kërkon para? Nuk ka kuptim.

Komentet nuk mbarojnë me kaq. Një tjetër, sipas nypost.com, ka shkruar: Shoku im, do të më duheshin gati 20 vjet për të bërë vetëm paratë që ke bërë sot. Beje vete. Ne po për mbijetesë.

Ndërsa në faqen e Johnson, fansat ishin ende të inatosur: Gërmoni në xhepat tuaj të thellë Rock! Ju i keni paratë. Maui do t’ju falënderojë.

Pas kritikave, Oprah dhe Rock kanë bllokuar komentet në postimin e tyre.

Shumë kritikuan kapitalin e vogël fillestar të vënë nga dy aktorët që kanë shumë më tepër, disa theksuan se sa pak ishin 5 milionë dollarë për ta. Duke supozuar se ata e ndajnë atë në mënyrë të barabartë, 5 milionë dollarët do të përfaqësonin vetëm 0.2% të pasurisë gjigante të Winfrey. Shuma është gati 1.9% e pasurisë së Johnson, e cila vlerësohet të jetë 300 milionë dollarë.