Ballkani, Partizani dhe Struga vazhdojnë ëndrrën evropian, pasi iu ka mbetur vetëm edhe nga një pengesë për të kapur fazën e grupeve.
Të tri skuadrat shqiptare që janë edhe kampione të Shqipërisë, Kosovës dhe Maqedonisë së Veriut, kanë prekur fazën play-off të Conference League.
Ju duhet që të marrin rezultatet e duhura në dy ndeshjet me vajtje-ardhje për të prekur fazën e grupeve të kësaj gare evropiane.
Kampioni i Kosovës, Ballkani do të ndeshet me Bate Borisovin e Bjellorusisë, pasi arriti ta mposht me rezultat të përgjithshëm 5-1 klubin Lincoln Reds Imps në fazën e tretë të eliminimit.
Kalimi në fazën e grupeve, do të ishte hera e dytë për Ballkanin, pasi e arriti edhe një vit më parë.
Në anën tjetër Partizani do të sfidojë Astanan e Kazakistanit, pasi të kuqtë fituan ndaj Vameiran me rezultat të përgjithshëm 3-1.
Nga ana tjetër, Struga duhet të kalojë pengesën Breidablik nga Islanda.
Nëse Partizani dhe Struga ia arrin të futen në fazën e grupeve, do të jetë hera e parë për këto klubi që do të marrin pjesën në një fazë të tillë të garave evropiane.
Kualifikimi në fazën e grupeve vlen afërsisht 5 milionë euro për çdo klub. Takimet e para do të zhvillohen të enjten e 24 gushtit, një javë më vonë (31 gusht) sfidat e kthimit./h.ll/abcnews.al
