Irani mund të rishikojë “doktrinën e tij bërthamore” mes kërcënimeve izraelite, paralajmëroi të enjten një komandant i lartë i Gardës Revolucionare, sipas agjencisë së lajmeve Tasnim.
Shqetësimet në lidhje me programin bërthamor të Iranit janë rritur në mes të tensioneve të përshkallëzuara në marrëdhëniet Izrael-Iran.
“Një rishikim i doktrinës dhe politikës sonë bërthamore, si dhe vlerësimet e përbashkëta më parë, është absolutisht i mundur,” tha Ahmad Hakhtalab , komandanti përgjegjës për sigurinë bërthamore.
“Duart tona janë në këmbëzën, objektet bërthamore të Izraelit janë identifikuar ”, theksoi ai duke shtuar: “Nëse Izraeli guxon të godasë objektet tona bërthamore, ne me siguri do të kundërpërgjigjemi”.
Lideri suprem i Iranit, Ayatollah Ali Khamenei, ka fjalën e fundit për programin bërthamor të Teheranit, për të cilin Perëndimi ka shprehur dyshime se ka për qëllime ushtarake.
Khamenei ka deklaruar shumë herë se Teherani kurrë nuk ka kërkuar të ndërtojë apo përdorë armë bërthamore, gjë që feja e tij e ndalon./abcnews.al
