Kylie Minogue është shprehur se beteja me kancerin i ka dhënë asaj një perspektivë të re në jetë. Këngëtarja 52-vjeçare u diagnostikua me kancer në vitin 2005, kur ishte vetëm 36-vjeç. Si rezultat, këngëtares iu desh të ndërpriste karrierën dhe t’i nënshtrohej kimioterapisë dhe një vit më pas ajo arriti ta mposhtë atë.
“Është një ndryshim i madh, para dhe pas. Tani me atë që po ndodh në botë, ka shumë njerëz që po flasin për një normalitet të ri, por unë mendoj se pas kancerit, ndonjë incidenti apo sëmundje tjetër të madhe që të ndryshon jetën, ju duhet të përshtateni. Jeta është një seri sfidash dhe ju synoni të keni kohë sa më të mira.
Në këtë fazë të jetës time me të vërtetë ndihem sikur jeta është bërë vetëm nga momente dhe shumë momente mund të jenë të mira, përpiquni të pranoni se ishte një moment i mirë. Sepse gjithçka vjen tek ju, qoftë e mirë apo e keqe.”, tha këngëtarja. /abcnews.al
