Prince, merr doktoraturën në letërsi, dy vjet pas ndarjes nga jeta. Universiteti i Mineapolis, qytetit ku ai jetoi deri në fund, ia dorëzoi këtë diplomë në shenjë mirënjohje për talentin e këngëtarit, influencës jetëgjatë së muzikës së tij dhe rolit që ka pasur në reklamimin e qytetit.
Dy vjet pas ndarjes nga jeta Prince ka marrë doktoraturën në Letërsi. Universiteti i Minesotës ka nderuar princin e rock-ut me një diplomë pas vdekjes në letërsi: “Prince ka përfaqësuar çdo gjë që duhet të ketë një muzikant” u shpreh gjatë fjalës së tij Majkëll Kim, drejtor i Universitetit.
Diploma u tërhoq nga motra e këngëtarit gjatë një ceremonie në Hollin e koncerteve të Mineapolis, qytet ku Prince është rritur.
Universiteti i kishte bërë të ditur Prince, tre vjet më parë, se dëshironte ta nderonte dhe ai ishte shprehur shumë i lumtur, universiteti ndodhet në qendër të qytetit që Prince adhuronte. Artisti jetoi dhe ndërroi jetë në Minneapolis, ku dhe performoi për herë të parë “live” hitin e tij “Purple Rain”. Diploma i është dhënë në shenjë mirënjohje për talentin e këngëtarit, influencës jetëgjatë së muzikës së tij dhe rolit që ka pasur në reklamimin e qytetit të Mineapolis./abcnews.al
