Wilfried Zaha, sulmuesi i Crystal Palace, ka bërë publik një mesazh racist që i kanë dërguar ditën e sotme një tifoz i Aston Villa. Këtyre të fundit u duhet me çdo kusht fitorja dhe nisur edhe nga kjo, Jack (personi që ka dërguar mesazhin) ka menduar të bëjë presion.
Jo vetëm kaq, por ai tregohet racist. Zaha i ka zbuluar mesazhet që i janë dërguar në “Instagram” dhe me të vërtetë janë shumë të rënda. “Bën mirë të mos shënosh nesër, shkërdhatë e zezë, ose do të të vi në shtëpi i veshur si fantazmë”.
Woke up to this today. pic.twitter.com/Zal0F96htJ
— Wilfried Zaha (@wilfriedzaha) July 12, 2020
Ky mesazh i është dërguar sulmuesit një ditë më parë, ndërkohë që ai e ka publikuar atë pak orë para ndeshjes, duke shkruar: “Shikoni se si u zgjova sot”. Një ditë më parë, Tammy Abraham i Chelsea, gjithashtu ka rënë pre e mesazheve raciste.
Në Angli nuk ka pasur raste të shumtë racizmi. Italia sezonin e shkuar e ka vuajtur shumë këtë pjesë, teksa kanë qenë disa futbollistë me origjinë nga Afrika, të cilët janë sulmuar nga tifozët me mesazhe nga më të ndryshmet. /abcnews.al
