Pressing

duka.jpg
Veronik Istrefaj22:51 | 09/03/2020

Presidenti i FSHF-së, Armando Duka, është i ftuar në emisionin Pressing, në ABC News. Kreu i futbollit shqiptar ka folur për situatën e futbollit pas përhapjes së Coronavirusit.

“Në fakt, është e vështirë që të parashikojmë se çfarë do të ndodhë në të ardhmen në situatën e virusit, që tashmë preku dhe Shqipërinë. Sot, ju jeni të informuar se Qeveria ka marrë një vendim, I cili pezullon dhe ndërpret të gjitha aktivitet publike, grumbullimet etj etj. Detajet, se çfarë do të ndodhë, është një gjë që besoj se nesër do të nxjerrim akte dhe udhëzime. Por do të jenë pjesë e diskutimit, pasi pasojat janë të mëdha.

Sot, brenda ditës, gjetëm një zgjidhje që shumëkush mund ta kontestojë, që vazhduam me dy ndeshje pa spektatorë. Për të ardhmen, duhet të vendosim. Shëndeti është i pari, futbolli, biznesi e të gjitha të tjerat, vijnë pas. Por duhen dhe bizneset, prandaj të gjendet një gjuhë e mesme. Ka pasoja në financë, pasi është një lloj ekonomie e cila nëse stopohet, ka pasoja ekonomike, nuk e di nëse edhe ti do të bësh emision nëse nuk ka sport (drejtuar Gerti Çarçanit).

Edhe nga pikëpamja sportive, është e vështirë, pasi kur do të rikuperohen ndeshjet, kur do të luajmë në Europë? Besoj se do të gjejmë balancat më të mira të mundshme. Unë mendoj se ka dhe një lloj paniku, pasi në Shqipëri ka vetëm dy raste. Në komunikimet zyrtare, edhe sikur t’i shumëzojmë me 2, bëhen katër, dhe nuk mendoj se do të ketë masa drastike”, tha Duka./abcnews.al

Tirana-Kukesi-Perballe.jpg
Veronik Istrefaj10:17 | 06/03/2020

Batutat, debatet dhe analizat taktike ishin të shumta në emisionin Pressing mbrëmë, në ABC News. Emra si Starova dhe Canaj analizuan Kategorinë Superiore, me këtë të fundit që bëri një batutë për Tiranën, si dhe tregoi problemin më të madh që ka Kukësi këtë sezon.

KUKËSI – “Kukësi ka një problem psikologjik. Është një nga skuadrat që ka kaluar më shpejt çdo lloj krize. Objektivi i tyre është që çdo gjë duhet marrë me patjetër. Dot ë thosha që, sepse e kam drejtuar edhe Vllazninë, gjithmonë Vllaznia i ka marrë pikë jashtë Kukësit, ndërsa Kukësi ka fituar në Shkodër. Kukësi ka një psikologji të njëjtë, si brenda dhe jashtë fushe. E shoh pozitive për Kukësin ndeshjen në Korçë.

TIRANA – “Presidenti tha pas barazimit me Skënderbeun që trajneri bëri dy ndërrime të gabuara. Presidentët në Shqipëri flasin shpejt. Egbo është një tip njerëzor. Edhe kur ka qenë trajner portierësh e kanë dashur shumë. Egbo është një tip që pyet dhe i mbyll gojën edhe atij që flet kundër. Tirana është një familje që, gjithmonë, merret edhe me komshiun. Tani po merret me vete”, deklaroi Canaj./abcnews.al

 

Agim Canaj në Pressing
skender-gega.jpg
Veronik Istrefaj08:15 | 06/03/2020

Shkëlqim Hajdari, prokurori i njohur, është i ftuar në Pressing, në ABC News. Hajdari është tifoz me Partizanin dhe kjo situatë që po kalon ekipi i kuq. Në fjalën e tij, Hajdari tha: “Partizani duhet të bëjë një akulpa të madhe. Partizani dhe Tirana nuk janë ekipe në dorën e vetëm 2-3 njerëzve, pasi kanë tifozeritë më të mëdha në Shqipëri.

Për t’i rënë drejt, Partizanit i ka rënë haku u Skënder Gegës, i cili i solli titullin kampion pas 26 vitesh. Me të drejtë, të gjithë tifozët e Partizanit prisnin që Gega të vazhdojë. Dolën lloj-lloj skenari më pas dhe Skënderi është i lirë. Si profesionist i vërtetë që është, refuzoi dhe Kukësin. Nëse do të ketë një lidhje profesionale me Gegën, Skënderi do të kthehet te Partizani.

Jam i bindur se me këtë gjëndje që ka Partizani, Skënder Gega është alternativa më e mirë. Jam i sigurt që e kualifikon Partizanin në Kupat e Europës dhe sezonin e ardhshëm ndërton ekipin kampion. Ky trajneri italian, duhet të japë dorëheqjen. Ai flet sikur ne nuk dimë futboll dhe analizon humbjen brenda me Teutën. Ky trajner që ka Partizani, nuk arrin as Kupat e Europës. Kështu që Olsi, nëse po e ndjek emisionin, bashkë me Gazin, që i kam miq të dy, të lidhen me Skënderin dhe të marrin ekipin”, tha Hajdari./abcnews.al

 

Hajdari në Pressing
Bobi-Pressing-1280x711.jpg
Veronik Istrefaj23:59 | 05/03/2020

Trajneri i mirënjohur shqiptar, Sulejman Starova, është i ftuar në emisionin Pressing, në ABC News. Analiza e Starovës filloi me ndeshjen Partizani-Teuta, më pas foli për Guerrils, Kallakun dhe ekipin e Kukësit.

GUERRLIS – “Guerrlis duhet ta mbushin stadiumin, ta mbështesin skuadrën. Nuk duhet vetëm banderola dhe 10 veta, por të gjithë. Janë 11 javë, 33 pikë, skaudrat janë aty-aty. Nuk duhet të ndërrohet trajneri javë për javë. Partizani të harrojë çfarë ka ndodhur dhe të futet në fushë vetëm për të marrë tre pikët. Këtu duket profesionisti, i cili edhe në vështirësi ngrihet, rrëzohet, ngrihet prapë. Gabimi taktik i Partizanit ndaj Tiranës, ishte kur ndeshja ishte barazim 1-1. Ishte në inferioritet numerik dhe nuk duhet të hidhej përpara. Si ka mundësi që kur je me 10 futbollistë, ekipi kundërshtar të zë me kundërsulm? Del Cale e merr penallti. Unë titullin e mora, por ma hoqën titullin. Je dhe gazetar (drejtuar Rexhës), ti duhet ta dish më mirë”.

KALLAKU – ”Kjo javë pritej e lehtë për Tiranën, por nuk rezultoi e lehtë. Vetëm në fund e çoi ndeshjen 0-2 dhe gjeti qetësinë. Kallaku? Përfitoj nga rasti për të thënë që nuk është vetëm Kallaku, ai po e udhëheq skuadrën dhe me moshën e re që ka, po bëhet udhëheqës. Partizani përballë një Teute me 4-2-3-1, ku në krahë luanin Lorenco Vila dhe Çyrbja, kishte probleme. Pjesëmarrja në sulm e Teutës me dy mbrojtësit e krahut, funksionoi. Humbja në derbi e Partizanit u pasua nga një ndeshje shumë e vështirë”.

KUKËSI – “Me llogari, është pretendente për të marrë kampionatin. Janë 33 pikë në lojë, Kukësi ka vetëm 6 pikë më pak. Ndërrimi i trajnerit ka punën e vet, ndonjëherë del çun, ndonjëherë del gocë. Kukësi ka dëmtime, kishte një ndeshje të fortë. Tirana luante në Vlorë, me gjithë respektin për Flamurtarin, ishte një javë që Tirana duke fituar derbin dhe duke fituar Flamurtarin, parashikohej një sfidë e vështirë për Kukësin, pasi Vllaznia nuk kalohet kollaj. Kemi dhe Laçin që mposht Bylisin. Te Kukësi është problemi i dëmtimeve, Musolli, Shkurtaj. Edhe Rroca nuk është në të gjitha postet, jep më shumë në fazën sulmuese. Kanë pasur vetëm Limajn dhe Musollin. Edhe Kukësi nuk e ka të lehtë, do të shkojë në Korçë, Skënderbeu po ngrihet. Mund të bëhet shkëputja, por mund të ndodhë dhe çdo gjë”, tha Starova./abcnews.al

Hajdari-1280x711.jpg
Igli Nikolli23:54 | 05/03/2020

Shkëlqim Hajdari është ndalur te Tirana në emisionin “Pressing” në ABC News. Prokurori bën një krahasim mes punë së Skënder Gegës te Partizani sezonin e kaluar dhe atë që po zhvillon Emmanuel Egbo këtë sezon me bardheblutë.

Tirana po ecën mirë, në letër duhet ta mundë Laçin. Me këtë hov, teorikisht i bie ta mundë Laçin, ndërsa Kukësi ka një ndeshje të vështirë në Korçë. Nëse lenë pikë në Korçë dhe Tirana mposht Laçin, atëherë Tirana marshon.

Fitorja e Tiranës dhe lënia e pikëve të Kukësit sjell mbylljen e kampionatit. Tirana ka motiv sivjet, është ndryshe. Nëse sivjet nuk del kampione, rrezikohen të gjithë që sillen rreth klubit. Tirana nuk është Luftëtari.

E dini pse ka siguri? Sepse atë punë që bëri Gega me Partizanin, atë punë po bën Egbo. Pa bujë, pa bërtitje, duke i marrë maksimumin skuadrës. Edhe vitet e tjera ka pasur futbollistë të shkëlqyer, por para se të vinte Egbo nuk po arrinte të merrte rezultate”, deklaron Hajdari. /abcnews.al

futbollisti-i-tiranes.jpg
Veronik Istrefaj23:50 | 05/03/2020

Winful Cobbinah, i ftuar në Pressing në ABC Neës, foli për trajnerin Emanuel Egbo, i cili ka marrë rezultate të shkëlqyera në krye të bardhebluve. Në fjalën e tij, sulmuesi i Tiranës tha: “Për mua, mendoj se Egbo i ka marrë më të mirën e mundshme të gjithëve.

Egbo di si t’i menaxhojë lojtarët dhe të gjithë situatat që na rrethojnë. Jemi përshtatur disi më mirë me Egbon. Egbo po punon shumë fort, është i hapur me të gjithë. Si skuadër, na pëlqen një trajner që punon shumë.

Trajneri Egbo i di dobësitë tona dhe po punon për t’i përmirësuar. Në të njëjtën kohë, di si t’i bëjë lojtarët të zgjohen. Ai është një menaxhues shumë i mirë”./abcnews.al

Cobbinah.png
Veronik Istrefaj23:36 | 05/03/2020

Sulmuesi i Tiranës, Winful Cobbinah, është i ftuar në emisionin Pressing, në ABC News. Mëngjrashi i bardhebluve foli për fitoren kundër Flamurtarin, si dhe ecurinë e ekipit kryeqytetas deri më tani.

“Nuk ka mbaruar ende, ky është vetëm fillimi. Sapo kemi filluar. Kriza e Partizanit? Partizani është një skuadër e mirë. Ndonjëherë, në futboll luan mirë, por nuk merr rezultatet. Ndoshta ata janë një nga dy rivalët për titullin kampion.

Tani, nuk dua të flas shumë për Partizanin, pasi kam skuadrën time. Goli në derbi? Nuk është më i rëndësishmi në karrierën time. Goli më i rëndësishëm në karrierën time është me kombëtaren e Ganës”, tha mes të tjerash sulmuesi i Tiranës.

Rexha-1280x711.jpg
Igli Nikolli23:32 | 05/03/2020

Elvis Rexha tregon problemin e madh të “Demave” në “Pressing” në ABC News. Gazetari i njohur deklaron se skuadra e kuqe ka humbur identitetin, teksa e komenton në këtë mënyrë kampionatin që po zhvillohet në Superiore.

“Partizani ka humbur identitetin. Është një skuadër që ka qenë e qetë, edhe në kohën e Starovës. Futej për një 0-0, kishte mbrojtjen më të fortë, sot është në vend të shtatë për mbrojtjen. Sot nuk ka identitet.

Gjithmonë e kanë ndërtuar skuadrën nga mbrojtja. Tirana? Asnjë skuadër nuk tregoi diçka më shumë, Tiranë e tregoi dhe mori hov. Kampionati më i bukur? Më intriguesi, po”, deklaron Rexha. /abcnews.al

Agim-Canaj-Pressing-1280x711.jpg
Igli Nikolli23:25 | 05/03/2020

Agim Canaj vazhdon të merret me krizën e Partizanit në emisionin “Pressing” në ABC Neës. Trajneri i bën thirrje lojtarëve të marrin përgjegjësi, i rikthehet gabimeve në derbi dhe tregon se ku duhet të përqendrohet Sormani për momentin.

Lojtarët duhet të marrin përgjegjësi, nuk po ndodh te Partizani dhe Kukësi. Partizani është një skuadër që fiket. Tirana menaxhoi situatën në derbi, menaxhoi çdo situate më mirë, ndërsa Partizani xhiroi me dhjetë lojtarë. Harxhoi shumë energji dhe u godit nga gabime ordinere.

Partizani është në një stres, pasi mendon për të mbrojtur titullin. Është shumë e rëndësishme për trajnerin që të kërkojë pikët në këto momente për të rikthyer entuziazmin. Lojtarët dhe trajneri merreshin akoma me arbitrin, duhej të stabilizonin situatën”, komenton Canaj. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono